Njoftime

Njoftim mbi ecurinë e rekrutimit të studentëve praktikantë në KLSH.

19.04.2018

Kontrolli i Lartë i Shtetit më datë 3 prill 2018 shpalli thirrjen për pranimin e aplikimeve për studentë që dëshirojnë të kryejnë praktikën mësimore në këtë institucion. Deri më datë 15 prill 2018, u pranuan 331 aplikantë nga fusha të ndryshme studimi sikurse përcaktuar në thirrje. 

Ky numër tepër i lartë por edhe cilësia e aplikantëve tregon se KLSH ka arritur të nuhasë nevojën e madhe që kanë studentët shqiptarë për praktika punësimi që do t’i ndihmojë ata cilësisht nesër në tregun e punës. Prej këtyre aplikantëve, të listuarit e mëposhtëm janë skualifikuar për shkak të mos plotësimit të dokumenteve të kërkuara (CV dhe Letër Motivimit/Rekomandim).

Lista e aplikanteve me dokumentacion të paplotë

Gjithashtu nuk u morën në konsideratë aplikantët që e dërguan aplikimin pas afatit 15 prill 2018.

Pjesa tjetër e aplikimeve u shqyrtua me rigorozitet nga Grupi i Punës për Menaxhimin e Programit të Praktikave Studentore i përbërë prej 7 Audituesish, në kujdesin e Sekretares së Përgjithshme dhe Drejtores së Përgjitshme. Duke parë numrin e madh të aplikimevePër shkak të këtij numri të madh të aplikantëve, u zgjerua në 33 numri i studentëve që kaluan në fazën e intervistës. Në finale u përzgjodhën 15 më të mirët, si raport më i drejtë me numrin e aplikimeve.

Tabela e mëposhtme tregon rezultatin e secilit prej aplikantëve të intervistuar, klasifikuar sipas pikëve totale të grumbulluara.

Tabela PDF

Aplikantët e intervistuar që nuk arritën të mërrnin pikët e nevojshme për pranim, do të konsiderohen si lista rezervë  dhe në rast të largimit të ndonjërit prej fituesve, do të kontaktohen sipas rendit për të vazhduar pjesën e mbetur të praktikës.