KLSH dhe ZKA vijojnë bashkëpunimin e ndërsjellë me qëllim përmirësimin e auditimit publik

KLSH dhe ZKA vijojnë bashkëpunimin e ndërsjellë me qëllim përmirësimin e auditimit publik

Kryetari i KLSH-së z. Arben Shehu dhe delegacioni që e shoqëronte, me ftesë të Auditores së Përgjithshme të Republikës së Kosovës, znj. Vlora Spanca, zhvilloi një vizitë pune ditën e premte më datë 25 tetor, në Prizren. Takimi kishte për qëllim diskutimin gjithëpërfshirës të temave me interes të përbashkët në shërbim të përmirësimit të auditimit publik në të dy vendet dhe vijimin e bashkëpunimit të ndërsjellë.

Z. Shehu dhe Znj. Spanca vlerësuan bashkëpunimin e deritanishëm dhe shprehën angazhimin e ndërsjellë në forcimin dhe thellimin e mëtejshëm të ndërveprimit institucional me përfitime në përmirësimin e mëtejshëm të kapaciteteve profesionale dhe rritjes se rezultateve të punës audituese në të dy vendet.

Përveç diskutimeve profesionale delegacionet realizuan një vizitë kulturore në qytetin e Prizrenit për t’u njohur më nga afër me pjesë të rëndësishme të historisë së përbashkët.