Në kuadër të nënshkrimit të Marrëveshjes së Bashkëpunimit ndërmjet Kontrollit të Lartë të Shtetit dhe UN Women Albania, në datat 27-29 prill 2022, zhvillohet sesioni i trajnimit mbi buxhetimin e përgjithshëm gjinor dhe auditimin gjinor.

Ky trajnim synon angazhimin institucional me qëllim ngritjen e kapaciteteve profesionale të audituesve të KLSH-së mbi përfshirjen e barazisë gjinore në metodologjinë dhe praktikat e auditimit, si dhe ofrimin e njohurive mbi realizimin e auditimeve gjinore, duke reflektuar edhe mbi përvojat që do të sjellin ekspertët nga vendet e rajonit.