Njoftime

KLSH feston Ditën Botërore të Librit

25.04.2014

Për të gjithë punonjësit dhe audituesit e institucionit, me datën 23 Prill 2014, pranë Sekretarisë së KLSH u vunë në dispozicion shume botime librash të autoreve botërore dhe të vendit, në zhanret letrare, historike dhe studimore. Secili punonjës dhe auditues, si dhe ekspert i jashtëm i institucionit kishte të drejtën, krahas shfletimit dhe këqyrjes së botimeve, edhe të përzgjedhjes falas të një libri si dhuratë e Kryetarit të KLSH në këtë ditë të shënuar për kulturën botërore. Ky aktivitet do të vijojë për disa ditë, për t’u dhënë mundësi edhe audituesve në institucionet që auditojnë, që të vijnë dhe të tërheqin librin që dëshirojnë.

23 Prilli, Dita Botërore e Librit, është një datë simbolike për literaturën botërore. Në këtë datë, në vitin 1616 kanë lindur ose kanë vdekur shkrimtarët e mëdhenj si; Shekspiri, Servantes, Garcilaso de la Vega, Maurice Druon, Manuel Mejia Vallejo etj.

Ideja e përkujtimit të Ditës Botërore të Librit e ka origjinën e vet në Spanjë, rreth vitit 1930, në zonën e Katalonjës ku atij që blinte një libër i dhurohej edhe një trëndafil. Ajo u shpall si Dita Botërore e Librit më, 15 nëntor 1995, nga UNESCO-s, bazuar në faktin se libri ka qenë gjithmonë instrumenti më i fuqishëm i shpërndarjes së njohurive dhe çdo nismë për promovimin e librave të rinj është një faktor i pasurimit kulturor.

Kjo datë simbolike për letërsinë botërore, promovonlibrin dhe autorët e tij, me qëllim që të inkurajojë të gjithë njerëzit, veçanërisht të rinjtë, që të zbulojnë kënaqësinë e të lexuarit, si edhe për të respektuar kontributin e pazëvendësueshëm të krijuesve të letërsisë mbarëbotërore që ndikuan në progresin shoqëror dhe kulturor të njerëzimit. Në këtë ditë zhvillohen me qindra e mijëra veprimtari në vende të ndryshme të botës dhe janë me mijëra e miliona vetë ata që dhurojnë libra për të afërmit, kolegët e miqtë e tyre.

Kryetari i KLSH dhuron libra për audituesit dhe punonjësit e institucionit, me mesazhin e qartë se vetëm libri dhe dijet mund ta çojnë përpara profesionalisht institucionin dhe te realizojnë aspiratat e karrierës se secilit punonjës.

Setet e librave të dhuruara nga KLSH ishin si më poshtë: