Njoftime

Kreu KLSH mirëpret një grup studentësh të universitetit “Washington and Lee”, Virxhinia, SHBA.

KLSH mirëpret një grup studentësh të universitetit “Washington and Lee”, Virxhinia, SHBA.

26.11.2015

 

27.11.2015

Në datën 26.11.2015, në ambientet e Kontrollit të Lartë të Shtetit, u zhvillua një takim midis një grupi studentësh të Shkollës së Ligjit të universitetit “Washington and Lee”, Virxhinia, SHBA  dhe disa prej audituesve të rinj të rekrutuar rishtazi në Kontrollin e Lartë të Shtetit.

univer_american_2090_0

Grupi i studentëve amerikan shoqërohej në këtë takim nga Profesori i të Drejtës Ndërkombëtare Thomas H. Speedy Rice, i cili duke konsideruar si me mjaft interes për studentët informimin e tyre mbi punën dhe rolin që një institucion suprem auditimi mund të luajë në luftën kundër korrupsionit dhe zbatimit të ligjit, shprehu dëshirën e organizimit, së bashku me Drejtorin e Departamentit Juridik dhe Kontrollit të Zbatimit të Standardeve të KLSH-së, Z. Ermal Yzeiraj, të një vizite të shkurtër në ambientet e KLSH-së.

Duke ju uruar mirëseardhjen, Drejtori Z. Ermal Yzeiraj, iu tregoj studentëve amerikan për rolin dhe rezultatet që KLSH si institucion i pavarur kushtetues i auditimit të jashtëm në Republikën e Shqipërisë, ka patur në luftën kundër korrupsionit, zbatimit të ligjit dhe informimit të publikut në lidhje me mirëmenaxhimin apo keqpërdorimin e financave shtetërore.
Në fjalën e tij, Z. Yzeiraj u përqendrua në transformimin që ky institucion ka pësuar përgjatë viteve të fundit, rëndësinë që ka për këtë institucion bashkëpunimi me qarqet akademike, rolin që të rinjtë e sapodiplomuar mund të luajnë në rifreskimin e vazhdueshëm të institucionit, llojet e kallëzimeve penale që KLSH referon në organin e Prokurorisë, etj.

Më pas fjala iu drejtua studentëve, të cilët bënë një sërë pyetjesh në lidhje me transparencën e auditimeve, informimin e opinionit publik, mënyrën se si zhvillohet procesi i auditimit, etj.

Në fund të këtij takimi, Profesori Thomas H. Speedy Rice, shprehu falenderimin e tij për pritjen dhe atmosferën e ngrohtë të KLSH duke uruar suksese të mëtejshme në punën dhe veprimtarinë e këtij institucioni kaq të rëndësishëm.